«Real» futbolchilaridan biri klubdan ketishga majbur bo‘ladi

«Bavariya» himoyachisi Alfonso Devis transferidan so‘ng «Real Madrid»ning kelajakdagi rejalari haqida ma’lumot paydo bo‘ldi.

Avvalroq, «qaymoqranglilar» allaqachon 24 yoshli kanadalikning transferi haqida kelishib olgani xabar qilingandi.

Jurnalist Xose Feliks Diasning ta’kidlashicha, agar Devis shartnoma imzolaydigan bo‘lsa, «Real» chap qanot himoyachilaridan biri bilan ajrashishga majbur bo‘ladi. Gap Ferlan Mendi va Fran Garsiya haqida ketyapti.

Joriy mavsumda 29 yoshli Mendi barcha turnirlarda 14 ta o‘yinda qatnashib, birorta ham samarali harakat qayd etmagan.

25 yoshli Garsiya «Real» safida bu mavsum 12 marta maydonga tushdi.