«Bayer» ustozi Xabi Alonso 2025 yilning yozida Karlo Anchelotti o‘rniga «Real» bosh murabbiyi bo‘lishi mumkin. Bu haqda Relevo xabar bermoqda.
Manbaga ko‘ra, «Real» bu mavsumda na Chempionlar Ligasida, na La Ligada g‘alaba qozona olmasa, 43 yoshli mutaxassis madridliklar bosh murabbiyiga aylanadi. Ta’kidlanishicha, agar mavsum muvaffaqiyatli yakunlansa, Anchelotti 2026 yilning yozigacha — shartnomasi yakuniga qadar klubda qoladi.
Eslatib o‘tamiz, Alonso 2022 yildan beri Leverkuzen klubini boshqarmoqda va o‘tgan mavsumda jamoa uning qo‘l ostida Germaniya chempionatida g‘olib chiqdi, mamlakat kubogini qo‘lga kiritdi, shuningdek, Yevropa Ligasi finalchisiga aylandi. Xabining «Bayer» bilan amaldagi shartnomasi 2025/2026 yilgi mavsum oxirigacha amal qiladi.
«Manchester Siti» Abduqodir Husanov uchun «Lans»ga qancha pul taklif etayotgani ma’lum bo‘ldi
«Real», «Yuventus», «Bayer», «Borussiya» Husanovga qiziqmoqda. «Man Siti» esa futbolchining otasi Hikmat Hoshimov bilan uchrashdi
Fabrisio Romano Abduqodir Husanovning transferi borasida yangi ma’lumot e’lon qildi
