O‘zbekiston elchixonasi ko‘magida Kuvaytning "Gulf General Trading Co. Ltd." kompaniyasi ishchi guruhining Qashqadaryo viloyatiga ishchi safari uyushtirildi.
Tashrif chog‘ida Kuvayt kompaniyasi delegasiyasi Qashqadaryo viloyati hokimi Murotjon Azimov bilan uchrashuv o‘tkazdi.
Uchrashuv davomida turli sohalardagi investision loyihalar, jumladan, farmasevtika mahsulotlarini ishlab chiqarish va sog‘liqni saqlash tizimida hamkorlik qilish masalalari muhokama qilindi.
