Qo‘riqchilar Orbanga qilingan hujumning oldini olishdi

So‘l faollar Vengriya bosh vaziri Viktor Orbanning Yevroparlamentdagi nutqini buzishga urindi, deb yozadi Magyar Nemzet (MN) gazetasi voqeaning videoyozuviga tayanib.

Nashr ma’lumotlariga ko‘ra, Orbanning nutqi paytida konferens-zalga Vengriyaning "Demokratik koalisiya" partiyasining yoshlar qanoti a’zosi Marton Gekichka yugurib kirgan. "Faol Viktor Orbanga Vengriya va Yevropa Ittifoqiga xiyonati uchun Putin va Si Szinpindan qancha olganini so‘radi," - deyiladi xabarda.

Vengriya bosh vaziri tomon ketayotgan huquqbuzar qo‘riqchilar tomonidan qo‘lga olindi.

Orban faolni zaldan olib chiqishlarini kutib, o‘z nutqini bir oz to‘xtatdi, shundan so‘ng nutqini davom ettirdi.