Qurilish korxonalarining soliq qarzdorligi qariyb 750 mlrd so‘mga yetdi – DSQ

2024 yil 1 dekabr holatiga soliq qarzi 100 mln so‘mdan yuqori qurilish korxonalari soni 1 043 taga, ularning jami qarzi esa 749,3 mlrd so‘mga yetdi.

Davlat soliq qo‘mitasi ma’lumotiga ko‘ra, shundan 255,1 mlrd so‘mi, ya’ni 34 foizi soliq qarzi eng yirik bo‘lgan 10 ta korxona hisobiga to‘g‘ri keladi.

Hududlar kesimida soliq qarzdorligi eng ko‘p bo‘lgan korxonalar ko‘rsatkichlari:

• Toshkent shahri – 258,1 mlrd so‘m;
• Buxoro viloyati – 78,8 mlrd so‘m;
• Andijon viloyati – 68,9 mlrd so‘m.