Bosh prokuratura huzuridagi Departamentning Qo‘qon shahar bo‘limi tomonidan o‘tkazilgan tergovga qadar tekshiruvda, “Y.A.” xususiy korxonasiga qarashli savdo do‘konida savdoga qo‘yilgan 784 dona “Absolute” nomi ostida ishlab chiqarilgan 6,7 mln so‘mlik alkogol mahsulotlarining aksiz markalari qalbaki ekanligi aniqlanib, ashyoviy dalil sifatida olingan.
Mazkur holat yuzasidan JKning 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
