Tojikiston chegarasi yaqinida joylashgan Qunduz shahrida yuzlab afg‘on harbiy xizmatchilari “Tolibon”* jangarilariga taslim bo‘ldi. Bu haqda RIA Novosti AFP agentligiga tayangan holda xabar bermoqda.
“Bugun ertalab aeroportda bo‘lgan yuzlab harbiy xizmatchilar, polisiyachilar va qarshilik ko‘rsatish kuchlari a’zolari o‘zlarining hamma qurol-yarog‘lari bilan toliblarga* taslim bo‘lishdi”, - degan Qunduz viloyati kengashi a’zosi Amruddin Vali.
Afg‘onistondagi harbiy-siyosiy vaziyat Amerika qo‘shinlari mamlakatdan olib chiqib ketilishi ortidan keskinlashdi. Hukumat kuchlari jangarilar hujumlarini qaytarishga urinishmoqda. Ma’lumotlarga ko‘ra, 400 ga yaqin uyezddan 200 dan ziyodi “Tolibon”* vakillari nazorati ostiga o‘tgan.
