Eron “tayyor”. Bu G‘arbga bog‘liq

Eron tashqi ishlar vaziri Abbos Aragchining aytishicha, Eron yadro dasturi bo‘yicha kelishuvga erishish uchun G‘arb bilan konstruktiv muzokaralarni qayta boshlashga “kechiktirmasdan” tayyor.

“Biz kechiktirmasdan yadroviy dasturimiz bo‘yicha konstruktiv muzokaralarga kirishishga tayyormiz. Muzokaralar kelishuvga erishishga qaratilgan”, — dedi u Xitoy markaziy televideniyesiga bergan intervyusida.

Aragchining ishontirishicha, Tehron "oldingi formula - Qo‘shma keng qamrovli harakatlar rejasi (JCPOA), ya’ni sanksiyalarni bekor qilish evaziga Eronning yadroviy dasturiga ishonchni mustahkamlash" bo‘yicha muzokaralarga tayyor.

Vazirning ta’kidlashicha, Eron yadroviy kelishuvning o‘ziga tegishli qismini bajargan, ammo "biroq Qo‘shma Shtatlar hech qanday sabab va asoslarsiz undan chiqishga qaror qilgan".

Aragchi, Yevropaning uch davlati (Buyuk Britaniya, Fransiya, Germaniya) bilan muzokaralarning birinchi bosqichi allaqachon yakunlanganini, ikkinchi bosqichni esa kelasi ikki hafta ichida o‘tkazish bo‘yicha kelishuvga erishilganini aytdi. AQShga kelsak, Aragchining aytishicha, yangi hukumat o‘z siyosatini ishlab chiqishi kerak va Eron "buning asosida qaror qabul qiladi".