Qozog‘iston Markaziy Osiyodagi qo‘shnilariga qo‘shilib, yuzni yopish kiyimini taqiqlashi mumkin. Bugun Qozog‘iston Senati “Jinoyatchilikning oldini olish to‘g‘risida”gi qonunga “jamoat joylarida yuzni tanib olishga xalaqit beradigan kiyim kiyishni taqiqlovchi” tuzatishni muhokama qilmoqda.
Taklif etilayotgan taqiq bir qator istisnolarni nazarda tutadi: yuzni yopish Qozog‘iston qonunlari talablariga rioya qilish kerak bo‘lganda, xizmat vazifalari, tibbiy maqsadlarda, fuqarolik mudofaasi uchun, noqulay ob-havo sharoitida, shuningdek, sport va madaniy tadbirlar ishtirokchilari uchun.
Mazkur tashabbus Konstitusiyaviy qonunchilik, sud-huquq tizimi va huquqni muhofaza qilish organlari qo‘mitasining ishchi guruhi yig‘ilishida ko‘rib chiqilmoqda.
Bu borada Qozog‘iston qo‘shni respublikalardan o‘rnak olishi mumkin. 1 fevraldan Qirg‘izistonda 230 dollar jarima tahdidi ostida niqab kiyish taqiqlangan. O‘zbekistonda 2023-yilda 250 dollardan 380 dollargacha jarima to‘lash bilan xuddi shunday taqiq joriy qilingan edi. Tojikistonda niqab kiyish “milliy qadriyatlarga zidligi” sababli taqiqlangan.
Dahshat! Eron birinchi marta zamonaviy vertikal raketalardan foydalanmoqda
Icroil «Qizil to‘y» operasiyasi doirasida 12 daqiqa ichida Eronning harbiy rahbarlarini yo‘q qildi
Nihoyat! Arab davlatlari Eron — Isroil urushi borasida "tilga kirdi"
