"Qandaydir kelishuv shartlariga rioya qilish uchun uni avval tegishli tarzda rasmiylashtirish kerak. Barcha talablar, chegaralar, shartlar ko‘rsatilgan rasmiylashtirilgan hujjat hozircha mavjud emasligini hisobga olsak, tegishli shartnomalarga rioya qilish haqida gapirish qiyin. Biz muzokaralar jarayoni tugashini va ularning qonuniy rasmiylashtirilishini kutishimiz lozim", – deya izoh berdi Pletchenchuk.
Eslatib o‘tamiz, 25 mart kuni Ar-Riyoddagi muzokaralardan so‘ng Zelenskiy tomonlar qisman sulhni, jumladan, Qora dengizda o‘t ochishni to‘xtatish bo‘yicha kelishuvga erishganini va u darhol kuchga kirishini aytgan.
Shundan so‘ng Ukraina prezidenti Rossiyani manipulyasiya qilganlikda aybladi, chunki Moskva dengiz sulhini boshlash uchun shart sifatida sanksiyalarni qisman olib tashlashni ilgari surgan edi.
