Qirollik dengiz floti boshlig‘i iste’foga chiqdi

Bu haqda Britaniyaning Financial Times nashriga qirollik mudofaa vazirligi ma’lum qildi.

"Ser Ben Key shaxsiy sharoitlar tufayli o‘z lavozimini tark etdi. Boshqa hech qanday izoh berilmaydi", — dedi nashrga departament matbuot xizmati.

FT ma’lumotlariga ko‘ra, bosh qo‘mondonning vazifalarini vaqtincha uning o‘rinbosari, vitse-admiral Martin Konnel bajaradi. Xabar qilinishicha, qirollik Mudofaa vazirligi allaqachon Keyning bir qancha potentsial vorislari bilan muzokaralar olib borgan.

2024 yil oxirida nashr bosh qo‘mondon Britaniya Qirollik dengiz floti uchun mablag‘ yetarli emas deb hisoblagan narsaga norozilik sifatida o‘z lavozimini tark etish niyatida ekanligini xabar qilgan edi.