O‘zbekiston bosh konsuli Zafarbek Ahmedov Qirg‘iziston Savdo-sanoat palatasining Jalolobod viloyati boshqarmasi raisi Maadanbek Karayev bilan uchrashuv o‘tkazdi, deb xabar qilmoqda "Dunyo".
Muloqot chog‘ida O‘zbekiston hududlari va Jalolobod viloyati o‘rtasida savdo-iqtisodiy, investisiyaviy, madaniyat va turizm sohalarida yanada rivojlantirish istiqbollari muhokama qilindi.
Qirg‘iziston vakili so‘nggi yillarda ikki do‘st mamlakat, shu jumladan, Jalolobod va Namangan viloyatlari o‘rtasida hamkorlik barcha jabhalarda izchil rivojlanib borayotganidan mamnunlik bildirdi.
Uchrashuvda ikki mamlakat Savdo-sanoat palatalari, Jalolobod va Namangan viloyatlari rasmiy va ishbilarmon doira vakillari o‘rtasidagi hamkorlikni yanada chuqurlashtirish xususida fikr almashildi. Ushbu viloyatlar o‘rtasidagi sheriklikni yanada kuchaytirish uchun ulkan salohiyat mavjudligini qayd etildi.
Muzokaralar yakunida qurilish sohasida qo‘shma loyihalar amalga oshirish, O‘zbekistondan qurilish mahsulotlari importi hajmini oshirish, sayyohlar almashinuvini ko‘paytirish va boshqalar bo‘yicha muloqotlarni davom ettirish to‘g‘risida kelishib oldilar.
Rossiya O‘zbekistondan tushuntirish so‘radi
Samarqanddagi noxush holat: "O‘zbeklarga kofe bermanglar..."
O‘zbekistonda keng ko‘lamli pensiya islohotiga tayyorgarlik ko‘rish boshlandi. Bu nimani anglatishi mumkin?
