Doner kabob Turkiya va Germaniya o‘rtasida bahsga sabab bo‘ldi

Doner kabobni tayyorlash resepti ustida ikki davlat o‘rtasida yuzaga kelgan nizoga Yevropa komissiyasi ham jalb etildi.

Turkiya bu borada Yevropa Ittifoqi bilan ikki yil avval aloqaga chiqqan. Anqara taom Turkiya qoidalariga muvofiq, ya’ni ma’lum go‘shtdan, (tovuq, mol va qo‘y go‘shti ruxsat etiladi) o‘ziga xos tarzda kesilgan holda tayyorlanishini xohlaydi. Germaniya bunga qarshi.

The Economist nashrining yozishicha, Yevrokomissiya mamlakatlarga kelishmovchilikni hal qilish uchun olti oy muddat bergan. Agar ular kelisha olmasa, mojaroni Bryussel hal qiladi.