Qashqadaryoda YTHlar oqibatida 181 kishi vafot etgan, ularning orasida yosh bolalar ham bor

Bu haqda Qarshi shahar YHXB axborot xizmati inspektori Ahror Usmonovga tayanib "Daryo" xabar berdi.

«Mazkur yo‘l-transport voqealari sabab vafot etgan 181 nafar kishining 31 nafari yosh bola bo‘lgan. Shuningdek, YTHlarda 45 nafar bola ham tan jarohati olib, shifoxonaga yotqizilgan», — deydi Daryo muxbiri bilan suhbatlashgan mas’ullar.

Qayd etilishicha, viloyat hududida sodir bo‘lgan YTHlarning 145 tasi piyodani urib yuborish, 114 tasi mashinalar to‘qnashuvi, 31 tasi velosiped haydovchisini urib yuborish, 26 tasi to‘siqqa urilish, 44 tasi ag‘darilish, 5 tasi to‘xtab turgan transport vositasiga urilish, 1 tasi hayvonni, 2 tasida ot aravani urib yuborish bilan bog‘liq bo‘lgan.

Hududlar kesimida eng ko‘p YTHlar Qarshi shahri hamda Chiroqchi va Qarshi tumanlarida sodir bo‘lgan.