Qashqadaryoda elektr energiya "o‘g‘risi" ushlandi

"O‘zenergoinspeksiya" Qashqadaryo viloyat hududiy boshqarmasi va viloyat prokuraturasi hamkorlikda o‘tkazilgan nazorat tadbirida Kasbi tumani "Komilon" MFYda joylashgan “M. S. S.” YTTga qarashli savdo do‘koni o‘zboshimchalik bilan tarmoqqa ulanib, elektr energiyasidan noqonuniy foydalanganligi aniqlandi.

Ushbu qoidabuzarlik natijasida dastlabki hisob-kitoblarga ko‘ra elektr ta’minoti korxonasiga 181,7 million so‘mlik zarar yetkazilganligi ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.