AQSh Senati davlat xarajatlarini qisqartirish va davlat qarzi chegarasini oshirishga qaratilgan qonun loyihasini qabul qildi. Bu hujjatni tadbirkor Ilon Mask "aqlbovar qilmas va vayron qiluvchi" deb atadi.
Uning so‘zlariga ko‘ra, qonun davlat qarzi limitini 5 trillion dollarga oshiradi — bu tarixdagi eng yirik oshirish hisoblanadi. Mask buni Amerika uchun "qarz qulligi yo‘li" deb atadi.
Maskning bayonotida ta’kidlanishicha, yangi qonun millionlab ish o‘rinlarini yo‘qotishga olib keladi va mamlakat iqtisodiyotiga jiddiy strategik zarar yetkazadi. Shuningdek, u bu tashabbus "o‘tmishda qolgan sohalarga imtiyoz berib, kelajak sohalariga zarar keltirayotganini" ta’kidladi.
Mask, shuningdek, qonun Respublikachilar partiyasi uchun siyosiy xavf tug‘dirishini aytdi: "So‘rovnomalar bu qonunni qo‘llab-quvvatlash — partiya uchun siyosiy xudkushlik ekanini ko‘rsatyapti", — deb yozdi u X ijtimoiy tarmog‘ida.
Eslatib o‘tamiz, ushbu qonun loyihasini avvalroq AQSh Vakolatchilar palatasi tasdiqlagan. Endi faqat Donald Trampning imzosi qoldi. Shu masala tufayli Ilon Mask avval Tramp bilan ochiq tortishgan, ammo keyinroq bundan afsuslanganini aytgan.
Eldor Shomurodov yangi jamoasining taklifini qabul qildi
Germaniya kansleri: Isroilning “iflos ishi” haqidagi fikrimdan afsuslanmayman
Saudiyaliklar Messiga dahshatli shartnoma taklif qilishdi
