Putin Ukraina suverenitetini nolga tenglashtirdi

Rossiya Prezidenti Vladimir Putin ishonch bilan aytishicha, agar Kiyevning o‘q-dorilari tugasa, Ukraina bilan mojaro bir-ikki oy ichida yakunlanadi.

"Ular mavjud bo‘la olmaydi, pul va keng ma’noda aytganda, o‘q-dorilar to‘xtatilsa, bir oy ham yashay olmaydi. Tamom! Hammasi bir yarim-ikki oy ichida tugaydi," - dedi prezident VGTRK jurnalisti Pavel Zarubinning savoliga javob berib.

Putinning so‘zlariga ko‘ra, "bu ma’noda Ukrainaning suvereniteti deyarli nolga teng." "Agar ularning g‘arblik homiylarida tinchlikka erishish istagi bo‘lsa - yo‘l juda oddiy, men bir paytlar Baydenga ham bu haqda tegishli signallar yuborganman: istak bo‘lsa - marhamat, shunda ular tezda barcha huquqiy masalalarni hal qilishning qonuniy usullarini topadilar, shu jumladan muzokaralarni taqiqlash to‘g‘risidagi bu farmonni bekor qiladilar," - deya yakunladi Putin.