Rossiya prezidenti matbuot xizmati ularning birgalikdagi suratini e’lon qildi. Kreml bayonotiga ko‘ra, Putin 7 oktyabr ertalab Shryoderning Moskvaga kelganini ommaviy axborot vositalari xabarlaridan bilgan va “eski do‘sti”ni uyiga taklif qilgan.
Germaniyaning sobiq kansleri Moskvaga “Globus” gipermarketlar tarmog‘i rahbariyati va xodimlari bilan uchrashish uchun borgan. Yaqinda u Rossiyadagi Globus gipermarketlarini boshqaruvchi “Giperglobus” kompaniyasi kuzatuv kengashi a’zosi bo‘lgan edi.
82 yoshli Shryoderning Rossiyadagi kompaniyada rahbarlik lavozimini egallashi Germaniyada tanqidlarga sabab bo‘ldi. Xristian-demokratik ittifoq vakili, Bundestag deputati Roderix Kizevetter bu tayinlovni “Evropa va o‘z mamlakatiga xiyonat” deb atadi.
Gerhard Shryoder Germaniya kansleri lavozimini 1998–2005 yillarda egallagan. Keyinchalik u “Rosneft” hamda “Shimoliy oqim” gaz quvuri operatori — Nord Stream kompaniyasi rahbariyatida ishlagan.
Avvalroq Putin Germaniyaning sobiq kansleri Shryoderni “Ukraina bo‘yicha maq’ul muzokarachi”, deb atagandi. Yevropa Ittifoqi, Germaniya va Ukraina esa bu taklifni rad etgandi.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
AQSh Rossiya neftni qayta ishlash zavodlariga qilingan zarbalar tufayli Ukrainaga qurol yetkazib berishni to‘xtatish bilan tahdid qilmoqda
