Putin rasmiy tashrif bilan Mo‘g‘ulistonga keldi

Rossiya prezidenti Vladimir Putin rasmiy tashrif bilan Mo‘g‘ulistonga keldi.

Rossiya yetakchisining samolyoti Ulan-Bator aeroportiga qo‘ndi.

Rossiya prezidentining tashrifi ikki kun davom etadi. Ertasi kuni – 3 sentyabrda ikki tomonlama uchrashuvlar, jumladan, Mo‘g‘uliston rahbari Uxnaagiyn Xurelsux bilan, shuningdek, qator hujjatlar imzolanishi va Sovet Ittifoqi marshali Georgiy Jukov haykali poyiga gul qo‘yish rejalashtirilgan.

Avvalroq, ikki davlat rahbarlari mintaqaviy muammolar, sanoat, qishloq xo‘jaligi va energetika sohalaridagi hamkorlikni muhokama qilishlari haqida xabar berilgan edi.