Polshada to‘qqiz kishi Rossiya razvedkasi ko‘rsatmasi bilan sabotajda gumonlanib hibsga olindi
Bu haqda Polsha bosh vaziri Donald Tusk ma’lum qildi.
Uning so‘zlariga ko‘ra, gap Ukraina, Belarus va Polsha fuqaroligiga ega shaxslar haqida ketmoqda.
"Yollanma jinoiy guruh a’zolari Polsha, Litva va Shvesiyada qo‘poruvchilik harakatlari, jumladan, Litvada sabotaj, Vroslavdagi bo‘yoq zavodiga va IKEA kompaniyasi omboriga o‘t qo‘yishga urinishga aloqador", — deya ta’kidladi Polsha hukumati rahbari.