Politico: Tramp kelishuv uchun Eron bilan murosaga borishga tayyor

AQSh Prezidenti Donald Trampning «barcha qartalar mening qo‘limda» degan bayonotlariga qaramay, kelishuvga erishish uchun u ba’zi yon berishlarga majbur bo‘lishi mumkin. Bu haqda «Politico» nashri o‘z manbalariga tayanib xabar bermoqda.

«Menimcha, u ko‘proq murosalarga tayyor, chunki bu jarayonga tezroq nuqta qo‘yishni juda istaydi», — dedi nashrga muzokaralar borishidan xabardor Fors ko‘rfazi mamlakatlaridan birining yuqori lavozimli vakili.

Maqolada ta’kidlanishicha, Tramp «muloqotga jiddiy bel bog‘lagan», biroq Eron hozircha AQSh Prezidentiga o‘z «obro‘sini saqlab qolgan holda» kelishuvga kirishish imkonini beradigan shartlarni taklif qilgani yo‘q.