Pokistondagi yong‘inda 15 nafar chaqaloq halok bo‘ldi

Pokiston Tibbiyot fanlari institutining (PIMS) ginekologiya bo‘limida sodir bo‘lgan yong‘inda kamida 15 go‘dak halok bo‘ldi.

Bu haqda Tibbiyot fanlari institutining rasmiylari e’lon qildi.

PIMS kasalxonasi rasmiylarining so‘zlariga ko‘ra, hodisa paytida tug‘ruqxonada 16 ta yangi tug‘ilgan chaqaloq bo‘lgan, ulardan faqat bittasi qutqarilgan.

Qutqaruv xizmatlarining ma’lumotlariga ko‘ra, yong‘in federal poytaxtda joylashgan kasalxonaning bolalar bo‘limida kondisioner kompressori portlaganidan keyin boshlangan.

Qutqaruv rasmiylari yong‘in o‘chirilganini va ekipajlar hududni sovutish ustida ishlayotganini aytishdi.