Pokistonda yuz bergan portlashda uch kishi halok bo‘ldi

Seshanba kuni Pokistonning janubi-g‘arbidagi Balujiston viloyatida sodir etilgan portlashda uch polisiyachi halok bo‘ldi, 19 nafari yaralandi.

Bu haqda Sinxua agentligi mahalliy polisiyadagi manbalar xabar berdi.

Ularning so‘zlariga ko‘ra, voqea Mastung tumanida sodir bo‘lgan. Noma’lum shaxslar masofadan boshqariladigan portlovchi moslamani motosiklga o‘rnatib, polisiya yuk mashinasi o‘tib ketayotganda uni ishga tushirgan.

Yaradorlar yaqin atrofdagi shifoxonaga yetkazilgan. Bir necha kishining ahvoli og‘ir.

Hozircha hech qaysi guruh hujum uchun javobgarlikni o‘z zimmasiga olmadi.