Pokistonda bortida rossiyalik uchuvchilar bo‘lgan vertolyot halokatga uchradi, deb xabar bermoqda Reuters va Aaj telekanali manbalarga tayanib. Hodisa Afg‘oniston bilan chegaradosh Xayber-Paxtunxva viloyatining Shimoliy Vaziriston tumanida sodir bo‘lgan.
Vertolyot bortida 14 kishi bo‘lgan, ulardan olti nafari halok bo‘lgan, sakkiz nafari yaralangan.
Aaj telekanali manbalariga ko‘ra, bortda uch nafar rossiyalik bo‘lgan, ulardan ikki nafari uchuvchi bo‘lgan. Mi-8 vertolyoti Pokistonning Mari Petroleum neft kompaniyasi tomonidan ijaraga olingan va Sheva neft konida missiyalarni bajargan.
Reuters xabariga ko‘ra, halokatga texnik nosozlik sabab bo‘lgan. Dvigatel nosozligi halokatga olib kelgan asosiy omil sifatida tilga olingan.
