Pogba «MYu»ga qaytadi

«Manchester Yunayted»ning sobiq yarim himoyachisi Pol Pogba vaqtincha sobiq klubiga o‘tadi. Bu haqda jurnalist Sasha Tavolyeri xabar berdi.

Manbaga ko‘ra, Italiyaning «Yuventus» klubi bilan shartnomasi bekor qilingandan so‘ng 31 yoshli Pogba Karringtondagi «Manchester Yunayted» bazasida mashg‘ulot o‘tkazadi. Qayd etilishicha, fransuz u yerda yangi klub topmaguncha qoladi.

Eslatib o‘tamiz, Pogba 2016 yildan 2022 yilgacha «Manchester Yunayted»ning asosiy jamoasida o‘ynagan. Bu vaqt ichida u barcha turnirlarni hisobga olgan holda 233 ta o‘yinda qatnashib, 39 ta gol urdi va 48 ta golli uzatmani amalga oshirdi.