Ma’lum qilinishicha, Peru Oliy jinoiy sudi 2001-2006 yillarda mamlakat prezidenti lavozimini egallagan Toledoni korrupsiya, fitna va pul o‘zlashtirishda aybdor deb topgan.
Sudya Ines Roxas tomonidan o‘qilgan hukm matnida aytilishicha, "78 yoshli Toledo Okeanlararo avtomagistralning 2 va 3-qismlarini qurish bo‘yicha shartnomani Braziliya kompaniyasiga berib, davlatga zarar yetkazgan".
2023 yilning 24 aprelida AQSh korrupsiyada ayblangan Alexandro Toledoni ekstradisiya qilishga qaror qilgan edi.
2016 yilda Alexandro Toledo AQSh Kaliforniya shtatiga ko‘chib o‘tdi. U yerda Stenford universitetida ishladi. 2019 yilda Toledo Peru rasmiylari iltimosiga binoan hibsga olindi. 2022 yilda Peruga ekstradisiya qilindi va shundan beri tergov hibsxonasida saqlanmoqda. Hukm chiqarilganidan keyin u Lima chekkasidagi Peru sobiq prezidentlari uchun maxsus qurilgan qamoqxonada jazoni o‘taydi.
