BRIKS'ning asl qisqartmasi beshta davlat Braziliya, Rossiya, Hindiston, Xitoy va Janubiy Afrikani anglatadi. U G7 kabi G‘arb boshchiligidagi iqtisodiy tartibga muqobil sifatida yaratilgan.
BRIKS guruhi 2023 yilgi sammitida o‘z saflarini kengaytirishga harakat qilishga qaror qildi.
Argentina, Efiopiya, Misr, Eron, Birlashgan Arab Amirliklari va Saudiya Arabistoni a’zolikka taklif qilindi, biroq Argentina prezidenti Xaver Miley saylovda g‘alaba qozonganidan keyin G‘arb yo‘nalishida ko‘proq harakat qilmoqchi ekanligini aytib, rad javobini berdi.
Putinning tashqi siyosat bo‘yicha yordamchisi Yuriy Ushakovning aytishicha, 36 davlat ishtirok etishni tasdiqlagan va 20 dan ortiq davlat rahbarlari sammitda qatnashadi. Ushakovning so‘zlariga ko‘ra, Putin 20 ga yaqin ikki tomonlama uchrashuvlar o‘tkazishi kutilmoqda va sammit Rossiya hududida «tashqi siyosatdagi eng yirik tadbirga» aylanishi mumkin.