Pep Gvardiola: "Tarkibni qisqartirishmasa, ketaman!"

"Manchester Siti" yetakchisi Xosep Gvardiola jamoa tarkibida o‘zgarishlar bo‘lishiga umid qilmoqda.

Ispaniyalik mutaxassisning fikricha, hozir uning ixtiyorida juda ko‘p futbolchilar bor.

"Men klubga bu menga kerak emasligini aytdim. Menga zaxiradan tashqarida besh-oltita o‘yinchi kerak emas. Men buni istamayman, men ketaman! Agar ular tarkibni qisqartirishmasa, men qolmayman. Hozir shunday bo‘lyapti, chunki biz to‘rtta yangi futbolchini imzoladik. Bungacha biz 11 kishini boshlang‘ich tarkibga jalb qila olmasdik - himoyachilarimiz yo‘q edi. Endi jarohatdagilar qaytib keldi.

Bu keyingi mavsumda davom etishi mumkin emas. 24 futbolchiga murabbiylik qila olmayman. Bunday bo‘lmaydi. Klubga bunday ishlashni istamasligimni aytdim," - deya Gvardiolaning so‘zlarini keltiradi City Report.