Panama hukumati Trampning Panama kanalini bosib olish tahdidlari tufayli BMTga shikoyat qildi — Reuters

Tegishli hujjat BMT bosh kotibi Antonio Guterreshga topshirildi.

"BMTga a’zo davlatlar o‘z xalqaro munosabatlarida har qanday davlatning hududiy yaxlitligi yoki siyosiy mustaqilligiga nisbatan kuch ishlatish bilan tahdid qilishdan tiyilishi kerak", — deya ta’kidladi Panamaning BMTdagi doimiy vakili Eloy Alfaro de Alba.

Donald Tramp 20 yanvar kuni bo‘lib o‘tgan inaugurasiya marosimida Panama kanali Panama davlati emas, Xitoy nazorat qilayotganini, shu sababli, AQSh kanalni o‘z nazorati ostiga qaytarishi zarurligini aytgan edi.