Ozarboyjonda muxolifat yetakchilaridan biri hibsga olindi

Muxolifatdagi Ozarboyjon Xalq fronti partiyasi (XFP) raisi Ali Karimli va partiya a’zosi Mamed Ibrohim hibsga olindi. Bu haqda partiyaning Fransiyada yashovchi a’zosi Notiq Odilov ma’lum qildi.

Odilovning ma’lum qilishicha, Ozarboyjon Davlat xavfsizlik xizmati Kerimli va Ibrohimning uylarida tintuv o‘tkazgan.

Ali Kerimli Ozarboyjon muxolifatining eng taniqli va ta’sirli shaxslaridan biri bo‘lib, mamlakatning ikkinchi prezidenti Abdulfaz Elchibeyning vorisi sifatida tanilgan. Kerimli siyosiy faoliyati davomida mamlakatda demokratik islohotlar va erkinliklarni himoya qilishga intilgan.