Ozarboyjonda maktablarda o‘qituvchi va o‘quvchi qizlarning hijob va boshqa musulmon bosh kiyimlarini kiyishiga qo‘yilgan cheklovlar noroziliklarga sabab bo‘ldi. Xabarlarga ko‘ra, ayrim o‘quvchilar taqiqqa qarshi boshqa o‘quvchilarni qo‘llab-quvvatlab, darslarga qatnashmagan.
Mamlakatdagi qoidalar ta’lim muassasalarida dunyoviy ta’lim tizimiga mos kiyinishni talab qiladi. Qonun hijobni bevosita taqiqlamasa-da, ayrim maktablarda musulmon bosh kiyimlarini kiyishga ruxsat berilmayotgani aytilmoqda.
Shuningdek, bugun Ozarboyjonda Instagram va TikTok kabi ijtimoiy tarmoqlarga kirishda uzilishlar kuzatilgani xabar qilindi. Internetdagi muammolarning noroziliklar bilan bog‘liqligi hozircha tasdiqlanmagan.
