Raketa Ozarbayjonning ikkinchi yirik shahri Ganjadagi ko‘p qavatli uyga urilib, to‘qqiz kishi halok bo‘lgan va 28 nafar fuqaro jarohat olgan. Bino vayron qilingan. Bu haqda respublika Favqulodda vaziyatlar vazirligi saytida xabar berilgan.
Avvalroq, yetti qurbon va 30 kishi jarohat olgani ma’lum qilingandi. Yaradorlar orasida bolalar ham bor.
Sayt ma’lumotlariga ko‘ra, halok bo‘lganlar va yaradorlarning jasadlari vayronalar ostidan chiqarilgan. Voqea joyida ishlar davom etmoqda.
Ozarbayjon Mudofaa vazirligi Armanistonni o‘q otishda aybladi, deya xabar berdi vazirlik "Feysbuk" sahifasida. Yerevan barcha ayblovlarni rad etgan. "Bu da’volar mutlaqo yolg‘on va haqiqatga hech qanday aloqasi yo‘q", deb yozgan Armaniston Mudofaa vazirligi matbuot kotibi Shushan Stepanyan feysbukda.
Ozarbayjon qurolli kuchlari Tog‘li Qorabog‘dagi Agderin yo‘nalishi bo‘yicha Armaniston qurolli kuchlarining artilleriya qismlariga zarba bermoqda.
10 oktyabr kuni mahalliy vaqt bilan soat 12:00 da Tog‘li Qorabog‘da sulh kuchga kirgan edi. Ko‘p o‘tmay, Armaniston va Ozarbayjon bir-birini uni buzganlikda aybladi. Armaniston mudofaa vazirligining xabar berishicha, Ozarbayjon Armaniston tomoni Terter va Agdamga o‘q uzishni boshlaganini ma’lum qilgan.
“Tez orada Xudoning yordami bilan — bu butun Isroil yurti bo‘ladi”
Rubl dunyoning barcha valyutalarini ortda qoldirdi
Van Damm Putinga murojaat qildi
