Orban: "Evropa Ittifoqi Rossiya bilan Ukrainadagi mojaroda yutqazdi"

Vengriya Yevropa Ittifoqi Ukrainadagi mojaroda mag‘lub bo‘lganiga ishonchi komil, chunki Rossiya kundan-kunga o‘z pozisiyasini mustahkamlamoqda.

Bu haqda Vengriya bosh vaziri Viktor Orban M1 telekanaliga bergan intervyusida ma’lum qilgan.

Ukrainadagi vaziyat haqida gapirar ekan, u "ruslar asta-sekin jang maydonida oldinga intilayotganini" ta’kidladi.

“Kuchlar mutanosibligi yaqqol ko‘rinib turibdi”, — dedi hukumat rahbari. "Evropa Ittifoqi bu urushda mag‘lub bo‘ldi", deb xulosa qildi Orban.

Uning ta’kidlashicha, YEI rahbarlari buni inkor etishga, turli hiyla-nayranglarga va "hamma narsani ostin-ustun qilishga" harakat qilmoqda. Uning so‘zlariga ko‘ra, ularning “g‘alaba – mag‘lubiyat, mag‘lubiyat esa g‘alaba” deb tushuntirishga urinishlari Jorj Oruyellning “1984” distopik romanini yodga oladi.

Orban Vengriya hukumati hali ham Ukraina mojarosini tezroq hal etishga erishish zarur deb hisoblashini va shu munosabat bilan AQShning saylangan prezidenti Donald Trampga umid bog‘lashini tasdiqladi.