Financial Times nashrining yozishicha, AQSh Prezidenti administrasiyasi jurnalist Taker Karlsonni videoplatforma TikTok'ning ehtimoliy investorlari ro‘yxatiga kiritgan. Bu haqda gazetaga suhbat bergan manbalar ma’lumot bergan. Muzokaralar Oq uy Xitoy kompaniyasi ByteDance bilan platformani sotish bo‘yicha kelishuvga erishishga harakat qilayotgan davrda boshlangan.
Nashr manbalarining so‘zlariga ko‘ra, Taker Karlson nomzodini investor sifatida AQSh vise-prezidenti Jey Di Vens taklif qilgan. Ro‘yxatga, shuningdek, Andreessen Horowitz venchur fondi va Blackstone investisiya kompaniyasi ham kiritilgan. Taker Karlsonning o‘zi esa FT'ga bergan izohida, TikTok'ka potensial investorlar ro‘yxatida borligidan bexabar ekanini aytgan.
AQSh hukumati TikTok'ni taqiqlashga intilmoqda — bunga sabab sifatida Xitoyning ByteDance kompaniyasi amerikalik foydalanuvchilar haqidagi ma’lumotlarni yig‘ayotgani borasidagi xavotirlar keltirilmoqda. AQShning sobiq prezidenti Donald Tramp ilgari TikTok faqat 50 foiz aksiyalari topshirilgandagina mamlakatda faoliyatini davom ettirishi mumkinligini aytgan edi.
O‘zbekistonlik tadbirkor O‘tkir Yusupovga Toshkent shahridan 3 xonali uy va’da qildi (video)
Toshkent shahar IIBB jiddiy ogohlantiradi!
Rossiya Maskka boshpana beradimi?
