Oq uy juma kuni Rossiya Eron bilan mudofaa sohasidagi hamkorlikni chuqurlashtirayotgani va Tehrondan Ukrainaga zarba berishda foydalanayotgan yuzlab kamikadze dronlarini olganini aytdi.
Oq uy yaqinda maxfiy ma’lumotlarga tayanib, dronlar Eronda ishlab chiqarilgani, Kaspiy dengizi orqali Rossiyaga yetkazilgani, keyin esa Ukrainada qo‘llanilganini aytdi.
“So‘nggi haftalarda Rossiya Kiyevga zarba berish va Ukraina aholisini qo‘rqitish uchun Eron uchuvchisiz uchoqlaridan foydalandi va bu Rossiya-Eron harbiy hamkorligi chuqurlashib borayotganga o‘xshaydi”, - dedi Oq uy matbuot kotibi Jon Kirbi.
“Biz, shuningdek, Rossiya Eron bilan hamkorlikda Rossiya hududida Eron uchuvchisiz uchoqlarini ishlab chiqarayotganidan xavotirdamiz”, — deya Jon Kirbi so‘zlarini keltirgan Reuters agentligi.
Kirbining aytishicha, AQSh Rossiyaning Tataristondagi Alabuga maxsus iqtisodiy zonasida kelasi yil boshida to‘liq ishga tushishi mumkin bo‘lgan dron zavodini qurish uchun zarur bo‘lgan materiallarni Erondan olayotgani haqida ma’lumotga ega.
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
AQSh Harbiy-havo kuchlari yangi “qiyomat samolyoti”ni yaratish bo‘yicha shartnoma imzoladi
Shoygu: NATO qo‘shinlari Rossiya chegaralariga yaqinlashmoqda
