Ona suti bolalarni kasalliklardan himoya qiluvchi tabiiy “vaksina”

Kuz va qish mavsumida chaqaloqlar o‘tkir respirator virusli infeksiyalarga chalinuvchan bo‘ladi. Ularni ushbu kasalliklardan himoyalashning eng samarali usuli ko‘krak suti bilan oziqlantirish.

Ona suti tarkibidagi moddalar nafaqat immunitetni qo‘llab-quvvatlaydi, balki xavfli bakteriyalar va viruslarning organizmda tarqalishini ham oldini oladi. Shuningdek, ona suti ichakdagi foydali mikroorganizmlarning o‘sishiga yordam beradi.

📌Olti oygacha bo‘lgan chaqaloqlar uchun eng yaxshi ozuqa ona suti. Ko‘krak suti tarkibidagi antitelalar va boshqa foydali moddalar bolani infeksiyalardan samarali himoya qiladi. Bolani 2 yoshgacha va undan ko‘proq muddatda ko‘krak suti bilan oziqlantirish tavsiya etiladi.