Gresiyaning “Olimpiakos” va Italiyaning “Fiorentina” klublari o‘zaro bahs olib borgan Konferensiya Ligasining final uchrashuvi 29 may kuni bo‘lib o‘tdi. Uchrashuv OPAP Arena stadionida (Afina, Gresiya) bo‘lib o‘tdi.
Uchrashuvni portugaliyalik Artur Soares Dias bosh hakam sifatida boshqarib bordi. Uchrashuv “Olimpiakos”ning 0:0 (qo‘shimcha vaqt 1:0) hisobidagi g‘alabasi bilan yakunlandi. Shunday qilib, Gresiya jamoasi 2023—2024 yilgi mavsumda Konferensiya Ligasi g‘olibiga aylandi.
Uchrashuvning asosiy vaqtida hisob ochilmadi. Uchrashuvning qo‘shimcha bo‘limlarida “Olimpiakos” oldinga chiqib oldi: 116-daqiqada Santyago Essening uzatmasidan so‘ng hujumchi Ayyub El-Kaabi boshi bilan gol urdi. Ushbu hisob o‘yin yakunigacha o‘zgarmadi.
Konferensiyalar Ligasining yarim finalida “Olimpiakos” Birmingemning “Aston Villa” jamoasini mag‘lub etgan bo‘lsa, “Fiorentina” Belgiyaning “Bryugge” klubidan kuchliroq bo‘lib chiqqan edi.
