OAV: Timur Kapadze terma jamoadan ketdi

Timur Kapadze milliy terma jamoadan ketdi. 44 yoshli mutaxassis terma jamoaning Birlashgan Arab Amirliklaridagi yig‘iniga bormaydi.

O‘zbekiston milliy terma jamoasi noyabr oyida Birlashgan Arab Amirliklarida bo‘lib o‘tadigan xalqaro o‘rtoqlik turnirida qatnashadi.

Musobaqada 2026 yilgi jahon chempionatiga yo‘l olgan O‘zbekiston, Eron, Misr va Kabo-Verde terma jamoalari ishtirok etadi.

Championat.asia nashri ma’lumotlariga ko‘ra, ushbu yig‘inda O‘zbekiston terma jamoasini mundalga olib chiqqan Timur Kapadze ishtirok etmaydi. Rahbariyat uning faoliyatini shu yerda to‘xtatishga qaror qilgan.

Delegasiya ertaga BAAga jo‘nab ketadi.