Aralash yakkakurash ustamiz Nursulton Ro‘ziboyev hozircha UFC'dagi keyingi jangi rasman aniq emasligini ma’lum qildi.
U Instagram sahifasiga joylagan yangi postida shunga ishora qildi.
"Erik Haydar, Danaga ayting, jang bersin! Kutaverib 31 yoshga to‘ldim", deya quyidagi suratni izohlagan Ro‘ziboyev.
Avvalroq, 31 yoshli sportchining 2025 yil mart oyida jang qilishi mumkinligi aytilgandi. UFC'da 2 ta g‘alaba va 1 ta mag‘lubiyat qayd etgan Nursultonning Ligada bekor qilingan 2 ta jangi ham bor.
