Rossiyaning Novorossiysk port shahrida 4 dekabr, chorshanbaga o‘tar kechasi bir nechta portlashlar sodir bo‘ldi. Bu haqda mahalliy OAV shahar aholisiga tayanib xabar berdi.
«Jivaya Kuban» internet nashrining yozishicha, «portlash ovozi Borisovkada, Vidova ko‘chasida, Semdolina qishlog‘ida, Mefodiyevka rayonida, 8-hududda eshitilgan». «Fuqarolarning aytishicha, ular kuchli portlashni jismonan his qilishgan: ko‘pchilikning uyi silkingan, xususan, birinchi liniyada, kimdir hatto krovati silkinganini sezgan», — deyiladi nashrda.
93.ru internet nashri Novorossiyskka dron hujumi xavfi haqida yozmoqda. «Soat 01.37 da xavf haqidagi ma’lumotni o‘z pabligida Novorossiysk rahbari o‘rinbosari Aleksandr Yamenskov tasdiqladi», — deb ta’kidlaydi «Bloknot» internet nashri.
O‘z navbatida, shahar meri Andrey Kravchenko yarim tunda Telegram orqali Novorossiysk aholisini ochiq maydonlarda bo‘lmaslik, xotirjamlikni saqlash va xavfsiz joylarda bo‘lishga chaqirdi. «Novorossiyskda havo mudofaasi ishlamoqda», «barcha xizmatlar shay holatga keltirildi», — deyiladi uning xabarida.
Novorossiyskka uchuvchisiz uchoqlar hujumining oqibatlari haqida xabar berilmagan.
Bahsli penalti oqibatida 100 dan ziyod odam halok bo‘ldi
AQSh Eronga yangi zarba berdi
Zelenskiy o‘t ochishni to‘xtatishga tayyor
