Aktyor Bryus Uillis Los-Anjelesdagi dorixonadan tibbiy niqob taqishdan bosh tortgani uchun chiqarib yuborildi, deb xabar berdi “Page Six” o‘z manbasiga asoslanib.
Guvohlarning so‘zlariga ko‘ra, 65 yoshli Uillis yuzini bo‘yniga bog‘lab qo‘yilgan sharf bilan yopishi mumkin bo‘lgan, ammo buni qilmagan. Shuning uchun hech narsa xarid qilmay ketishga majbur bo‘lgan. Uillisning vakillari hozircha dorixonadagi voqea haqidagi xabarlarga izoh berishmadi.
Ijtimoiy tarmoqlarda aktyorning koronavirus pandemiyasi bilan bog‘liq cheklovlarga rioya qilmaslik harakatlari masxara qilindi va qoralandi.
