"Neymarning kelajagi borasida men va uning otasi aniq ma’lumotga ega insonlarmiz"

"Al Hilol" futbolchisi Neymarning agenti Pini Zaxavi braziliyalikning kelajagi haqidagi savolga javob berdi.

"Neymarning "Al Hilol"dan ketishi haqida hech qanday muzokaralar olib borilmadi. Uning saudiyaliklar bilan shartnomasi bor va u bu yerda baxtli. Neymarning kelajagi borasida men va uning otasi aniq ma’lumotga ega insonlarmiz. Uning "Santos"ga o‘tishi haqida gap-so‘zlar qayerdan chiqqanini bilmayman. Neymar "Al Hilol"da qoladi", — dedi Zaxavi.

Eslatib o‘tamiz, Neymar 2023 yilning yozida "Al Hilol"ga ko‘chib o‘tgandi. Uning amaldagi shartnomasi 2025 yilning yoziga qadar mo‘ljallangan.