Netanyaxu o‘ng qanot sionistlarini saylov oldidan birlashishga chaqirdi

Isroil Bosh vaziri Benyamin Netanyaxu ovozlar isrof bo‘lishining oldini olish maqsadida o‘ng qanot partiyalar yetakchilari Itamar Ben-Gvir va Bezalel Smotrichni parlament saylovlari oldidan kuchlarni birlashtirishga chaqirdi.

Bosh vazir siyosatchilar o‘rtasida "shaxsiy kelishmovchiliklar" borligini tan oldi, biroq ularni yengib o‘tish muhimligini ta’kidladi. Biroq, Ben-Gvir bu taklifni rad etgan bo‘lsa, Smotrich aksincha, birlik va mas’uliyat vaqti kelganini qayd etdi. So‘rovnomalarga ko‘ra, bu partiyalar saylovda alohida qatnashsa, Knessetga kirish uchun kerakli to‘siqdan o‘ta olmasligi yoki juda kam o‘rin egallashi mumkin.