Netanyaxu Trampning Falastin davlati mustaqilligini tan olish niyatida ekani haqidagi da’volarga e’tibor bermaslikka chaqirdi

Netanyaxu: Tramp bilan to‘liq tushunish

Isroil bosh vaziri Binyamin Netanyaxu AQSh prezidenti Donald Trampning Falastin davlati mustaqilligini tan olish niyatida ekani haqidagi da’volarga e’tibor bermaslikka chaqirdi. Bu haqda i24 News nashri xabar berdi.

Knessetning tashqi ishlar va mudofaa qo‘mitasining yopiq yig‘ilishida so‘zga chiqqan Netanyaxu Tramp bilan keskinlik haqidagi xabarlarni rad etdi. Uning aytishicha, bu mish-mishlarni AQShning Isroildagi elchisi Mayk Xakkabi allaqachon rad etgan. Bosh vazir Tramp bilan muntazam aloqada ekanligini va ularning pozisiyalari ko‘p masalalarda mos kelishini qo‘shimcha qildi.

Eslatib o‘tamiz, avvalroq Isroil OAVlari ikki davlat rahbarlari o‘rtasidagi munosabatlar yomonlashgani haqida xabar bergan edi. Qayd etilishicha, Tramp Netanyaxuni siyosiy manipulyasiyaga urinishda gumon qilmoqda.

Falastin davlatining tan olinishi mumkinligi haqidagi xabarlarga izoh berar ekan, Netanyaxu shunday dedi: “Menimcha, siz Falastin davlatini yaratish haqida jiddiy bayonot eshitmaysiz – bu shunchaki siyosiy o‘yin.

Ba’zi Isroil ommaviy axborot vositalari Fors ko‘rfazi mamlakatlari diplomatlariga tayanib, Tramp Yaqin Sharqqa bo‘lajak tashrifi chog‘ida ham xuddi shunday bayonot bilan chiqishi mumkinligini xabar qilishdi.

Bu bayonot Ar-Riyodda bo‘lib o‘tadigan AQSH-Saudiya Arabistoni sammitida e’lon qilinishi kutilmoqda. Shuningdek, AQSh prezidenti Qatar va Birlashgan Arab Amirliklariga ham tashrif buyurishni rejalashtirayotgani ma’lum qilindi.