Nepalning mashhur gurkxa yollanma askarlari Rossiya Federasiyasi tomonida jang qilayotgani tasdiqlandi

Joriy yozda ommaviy axborot vositalari gurkxalar Ukrainada ikkala frontda ham jang qilayotgani haqida xabar berishdi.

Ukraina ijtimoiy tarmoq sahifalarida esa RF tomonida kurashgan va qo‘lga olingan nepalliklardan biri bilan intervyu e’lon qilingan edi.

Reuters xabariga ko‘ra, Nepal hukumati Rossiyani o‘z fuqarolarini Ukrainadagi urushga jalb qilmaslikka va yollanganlarning hammasini vataniga jo‘natishga chaqirgan. Nepal rasmiylariga ko‘ra, Ukrainada olti Nepal fuqarosi allaqachon vafot etgan.

Nepal Tashqi ishlar vazirligi Rossiya Federasiyasini ham halok bo‘lgan nepalliklarning jasadlarini vatanlariga qaytarishga va ularning oilalariga tovon puli to‘lashga chaqiradi.

Nepal hukumati esa o‘z fuqarolarini Ukrainada ikkala tomonda ham jang qilmaslikka chaqirib, asirdagi fuqaroni ozod qilish uchun diplomatik harakatlarni amalga oshirdi.

Xabarlarga ko‘ra, sakkiz nafar nepallik Rossiya Mudofaa vazirligi bilan shartnoma tuzgan, biroq keyin xizmatdan qochib ketgan va hozir qidirilmoqda.

Ma’lum qilinishicha, Rossiya nepalliklarga urushda qatnashgani uchun oyiga 195 ming rubl to‘laydi.