Nemis siyosatchisi: "Berbok BMT Bosh Assambleyasi rahbari bo‘lish orqali o‘z karyerasini tojini qo‘ymoqchi"

Germaniya tashqi ishlar vaziri Annalena Berbok BMT Bosh Assambleyasi prezidenti bo‘lishni shunchaki “o‘z karyerasini tojini qo‘yish” uchun istaydi.

Bu haqda Germaniya konstitusiyasi va suvereniteti bo‘yicha kengash rahbari Ralf Nimayer "RIA Novosti" agentligiga ma’lum qildi.

"U har doim shunday ko‘zga ko‘ringan rolni o‘ynashga, yirik rahbar bo‘lishga harakat qilgan. Aslida bu lavozim bor-yo‘g‘i bir yilga beriladi va hech qanday maxsus topshiriqni nazarda tutmaydi. Bir necha yig‘ilishlar o‘tkazish kerak va bu lavozimdagi muddat tugaydi", - dedi u.

Uning so‘zlariga ko‘ra, u keyinchalik Bosh Assambleya raisi bo‘lganimni aytishi uchun shunchaki o‘z karerasini tojini qo‘ymoqchi”, — deya xulosa qildi siyosatchi.

Bungacha Focus nashri Berbokning BMT Bosh Assambleyasi rahbari lavozimiga tayinlanishi Berlinni tashkilot Xavfsizlik kengashidagi o‘rindan mahrum qilishi mumkinligini yozgan.