Bugun 26 fevral, 2024 yil, dushanba

КИР

Navoiyda yarim tunda niqoblangan va qurollangan bosqinchilar qo‘lga olindi

Navoiyda yarim tunda niqoblangan va qurollangan bosqinchilar qo‘lga olindi

Navoiy viloyati. 2022 yil 14 fevral kuni Uchquduq tumani IIBga kelib tushgan xabarga ko‘ra, 25 yoshli M.B. tanishi 21 yoshli N.S. bilan jinoiy til biriktirib, Uchquduq tumani “Obod” ko‘chasida yashovchi 35 yoshli B.Q.ning yashash xonadoniga g‘ayriqonuniy ravishda kirib, B.Q.ni qo‘rqitib mulklarini qo‘lga kiritishni rejalashtirganliklari ma’lum bo‘lgan.

Ushbu xabarga asosan Uchquduq tuman IIB xodimlari tomonidan o‘tkazilgan tezkor tadbir jarayonida, joriy yilning 16 fevral kuni tungi soat 02:00larda, qayd etilgan jinoiy qilmishni rejalashtirgan shaxslar ushbu rejani amalga oshirish maqsadida qo‘llariga tibbiy rezina qo‘lqop, yuzlariga tibbiy niqob taqqan va pichoq bilan qurollangan holda B.Q. oila a’zolari bilan yashash xonadonida ekanligini aniq bilgan holda B.Q.ning mulklarini bosqinchilik yo‘li bilan talon-taroj qilish maqsadida, kirish eshigi orqali xonadonga g‘ayriqonuniy ravishda kirgan vaqtida, tuman IIB xodimlari tomonidan ushlanganligi sababli jinoiy harakatlarini o‘ziga bog‘liq bo‘lmagan holda oxiriga yetkaza olmaganlar.

Mazkur holat yuzasidan Uchquduq tumani IIB huzuridagi Tergov guruhi tomonidan O‘zbekiston Respublikasi Jinoyat kodeksning 25,164-moddasi 3-qismi “v” bandi (bosqinchilikka suiqasd) bilan jinoyat ishi qo‘zg‘atilgan.

Hozirda tergov harakatlari davom etmoqda.

Kiritildi: 14:10 22.02.2022. O'qildi: 3823 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!