NATO Rossiya bilan urushga tayyorgarlikni boshladi! Mashqlar ortidagi jiddiy signal

NATO Rossiya bilan urush holatini taqlid qilmoqda.

NATO harbiy-havo kuchlari Ramstein Flag mashg‘ulotlari doirasida Rossiyaning ittifoq mamlakatlariga hujum qilishi ehtimolini ko‘zda tutuvchi ssenariyni ishlab chiqmoqda. Bu haqda Germaniyaning DPA axborot agentligi ma’lum qildi.

Agentlik xabariga ko‘ra, mashqlarda 90 ta samolyot, shuningdek, uchuvchisiz uchish apparatlari va vertolyotlar qatnashmoqda. Mashg‘ulotlar 31 martda boshlanib, birinchi bosqichda NATO kuchlari allaqachon havo hujumlarini qaytarish va raqibning havo mudofaa tizimlarini zararsizlantirishni mashq qilgan.

Endi Niderlandiya qirg‘oqlari yaqinidagi NATO kuchlari "bosqinchi dushmanga qarshi mudofaa paytida favqulodda vaziyatda quruqlikdagi kuchlarni qo‘llab-quvvatlash imkoniyatlarini" sinab ko‘radi. DPA xabar berishicha, bu Rossiya hujumi ssenariysi haqida. Matnda ta’kidlanishicha, bu mashqlar Moskva uchun ogohlantirish signali hisoblanadi.

"Bunday mashg‘ulotlar potensial dushmanga to‘xtatuvchi ta’sir ko‘rsatadi deb umid qilamiz," - deya ta’kidladi NATO harbiy-havo kuchlari qo‘mondoni, amerikalik general Jeyms Xeker agentlikka bergan sharhida.

Ilgari xabar qilinganidek, sentyabr oyida Germaniya bundesveri Rossiyaning ehtimoliy hujumiga tayyorgarlik ko‘rish maqsadida keng ko‘lamli harbiy mashqlar o‘tkazadi. Bu mashqlarda NATOning boshqa davlatlari harbiy xizmatchilari ham ishtirok etadi va ushbu ssenariyni amalga oshirishda qatnashadiganlarning umumiy soni 800 ming nafarga yetishi mumkin.