NATO bir necha oy ichida Iordaniya poytaxtida ofis ochmoqchi

NATO bir necha oy ichida Iordaniya poytaxti Ammanda elchixona shaklida ish olib boruvchi Yaqin Sharq mamlakatlari bilan aloqa qilish uchun ofis ochish niyatida.

Bu haqda alyansning Afrika va Yaqin Sharq bo‘yicha maxsus vakili Xaver Kolomina The National nashriga bergan intervyusida ma’lum qildi.

"Ushbu ofis bizga siyosiy ma’lumotlarni to‘plash, mintaqa davlatlari bilan aloqada bo‘lish va vaziyat qanday o‘zgarib borayotganini yaxshiroq tushunishga yordam beradi", — deya izoh berdi NATO maxsus vakili.