«Nasaf» klubi Ispaniyaning «Kelme» sport brendi vakillari bilan muzokara olib bordi va o‘zaro hamkorlikka erishdi.
Unga ko‘ra, joriy mavsumdan boshlab «Nasaf» «Kelme» brendidan foydalanishni boshlaydi.
«Kuni-kecha jamoamiz «Kelme» liboslarini qabul qilib oldi. Yuqoridagi rasmlarda jamoamizning yangi uy va safar liboslarini ko‘rishingiz mumkin», - deyiladi klub xabarida.
Ma’lumot uchun, Qarshi klubi ushbu libosidagi mavsumdagi dastlabki rasmiy o‘yinini 19 fevral kuni o‘tkazadi. Shu kuni «Nasaf» OCHL 1/8 finali doirasida Saudiya Arabistonining «Ash-Shabob» klubiga qarshi Qatarda o‘yin o‘tkazadi.
Eslatib o‘tamiz, klub 2022 yilda Adidas brendi liboslaridan foydalangan edi.